სოფელ აგარაში ხანძრის შედეგად დაზარალებული ოჯახის მდგომარეობა მერიის შესაბამისმა კომისიამ შეისწავლა

სოფელ აგარაში ხანძრის შედეგად დაზარალებული ოჯახის მდგომარეობა მერიის შესაბამისმა კომისიამ შეისწავლა

„მუნიციპალიტეტის ტერიტორიაზე სტიქიის შედეგად დაზარალებული ოჯახების მდგომარეობის შემსწავლელმა ადგილობრივმა კომისიამ“ სოფელ აგარაში მცხოვრები არჩილ ასამბაძის ოჯახის მდგომარეობა შეისწავლა. 4 მარტს, ხანძრის შედეგად არჩილ ასამბაძის 2 სართულიანი ხის საცხოვრებელი სახლი მთლიანად დაიწვა.

მუნიციპალიტეტის მერიამ დაზარალებული ოჯახი ალტერნატიული საცხოვრებელი ფართის ქირით უზრუნველყო.

ადგილობრივმა კომისიამ მოამზადა შესაბამისი დოკუმენტაცია, რომელიც ოჯახზე ფინანსური დახმარების გაწევის მიზნით „აჭარის ა/რ ადმინისტრაციულ საზღვრებში, სტიქიით მიყენებული ზიანის სალიკვიდაციო შერეულ სამთავრობო კომისიას“ გაეგზავნება .